"O Goberno local inviste por igual en todos os barrios de Lugo mentres a Xunta de Galicia discrimina ós concellos que non goberna o PP".
O concelleiro de Medio Ambiente, Lino González Dopeso,
informou de que a obra de rexeneración dunha zona verde en Miguel de Cervantes
incluída no Plan E fíxoa unha empresa con domicilio social en Lugo, as ofertas
presentadas por tres empresas teñen a mesma redacción porque se presentaron no
modelo tipo empregado para todas as obras do Plan E, a obra está rematada e
foron os técnicos e non os concelleiros quen certificaron a obra.
A obra de
Miguel de Cervantes fíxoa unha empresa de Lugo, non de Palas de Rei.
|
Segundo explicou Lino González Dopeso a obra
executouna a empresa Ecovame, que ten o seu domicilio social na cidade de Lugo,
segundo consta no expedente ó que tivo acceso o Partido Popular.
A obra tivo un
presuposto de 37.000 euros, unha cantidade inferior ós 50.000 euros polo que,
segundo a Lei de Contratos, podería ter
sido adxudicada directamente. E as tres empresas que fixeron ofertas
redactáronas igual polo sinxelo motivo de que as presentaron no modelo tipo
establecido polo Concello de Lugo para todas as obras do Plan E.
González Dopeso tamén desmentiu que a obra fora
certificada por ningún concelleiro xa que, como é sabido, as obras certifícanas
os técnicos, non os concelleiros. "Nunca na historia administrativa deste pais
certicaron as obras os concelleiros, iso fano os técnicos”, explicou o concelleiro de Medio Ambiente.
Tamén é falso que a obra non estea acabada, como dí o
Partido Popular. "A obra está acabada e certificada, ese proxecto terminouse”,
manifestou Lino González.
As ofertas
das tres empresas foron presentadas no único modelo oficial para as obras do
Plan E.
|
Para o concelleiro de Medio Ambiente "a mentira, o
enredo, a maledicencia é o dispara que algo queda non é máis que xogo suxo, un
intento de manchar a honorabilidade dos demais”.
González Dopeso tamén lembrou que "estamos a falar dun
contrato menor que o PP pon en cuestión por terceira vez e volveno facer en
campaña electoral”.
MENTIRAS SOBRE OS INVESTIMENTOS NOS BARRIOS
Pola súa parte, o concelleiro de Urbanismo e voceiro
socialista, Luis Álvarez, salientou que "lamentablemente, xa non son noticia as
mentiras do Partido Popular porque en Lugo, as mentiras de Jaime Castiñeira
están á orde do día”.
Sinalou tamén que "ninguén con dignidade pode permanecer
impasible mentres oe cada día as mentiras de Jaime Castiñeira e do seu alumno
aventaxado, Arcadio Silvosa”.
Luis Álvarez negou que o goberno local discrimine a
ningún barrio de Lugo en función de a quen lle votan os seus veciños. "Este goberno municipal ten a obriga e a convicción de que todos os barrios deben ser
tratados con equidade e o que fai é atender, na medida das nosas posibilidades,
as necesidades do veciños”, dixo o Voceiro socialista quen acusou ó Partido
Popular de "analizar os resultados electorais e actuar en consecuencia e non
hai máis que ver o que fan as distintas concellerías da Xunta co Concello de
Lugo”.
En resposta ó Partido Popular, Álvarez lembrou que o
barrio da Ponte beneficiouse das seguintes obras: reurbanización da rúa
Santiago, estrada vella de Santiago e Ponte con máis de 4 millóns de euros de
investimento; nova ponte sobre o río Miño, 18,8 millóns, pasarela sobre o Miño
e actuacións complementarias, 4,76 millóns, e agora vaise investir outro millón
de euros na rehabilitación da ponte roamana.
|
Lugo
