Diputatuen Kontseiluak Quavitae Bizi Kalitatea enpresari 62.400 euroko isuna ezarri dio Ariznabarrako adinekoen egoitzan kontratua ez betetzeagatik.
Isuna kontratuaren ez-betetze larria
zigortzeko jarri da. Hutsegiteak eta ez-betetzeak 2008ko urritik 2009ko
irailera bitartean egindako 26 ikuskatzeetan aurkitu dira; izan ere,
data jakin batzuetan nahitaez beteta egon behar ziren lanpostuak hutsik
zeudela egiaztatu zen eta hainbat jarraibide ez ziren bete.
Zehapen espediente honetan 1.200
eurotik 6.000 eurora doazen isunak jasotzen dira, Gizarte Ongizaterako
Foru Erakundeak egindako kontrol eta ikuskatzeetan aurkitutako
hutsengatik: garbiketa eskasa, ezarritako ordutegietan atzerapenak,
erabiltzaileak ez artatzea eta abar.
Bigarren aldiz jarri dio zehapena
Diputatuen Kontseiluak Quavitae Bizi Kalitatea enpresari, arreta
desegokia emateagatik eta administrazio kontratuko hainbat baldintza
larriki ez betetzeagatik. 2008ko urrian hasitako zehapen espedientearen
ondorioz, Arabako Foru Aldundiak 45.000 euroko isuna jarri zion enpresa
horri.
Ariznabarrako egoitzaren zerbitzu
publikoaren kudeaketa zerbitzuaren esleipenduna den enpresari irekitako
bi zehapen espedienteez gain, foru aldundiak hutsik dauden plazengatik
eta grebaren ondorioz lan egin ez diren orduengatik ez dizkio 1,7 milioi
euro ordaindu.
CASTELLANO |
Vitoria-Gasteiz
Entrevistas relacionadas
